CCCVII.

1408, November 9. Ottmachau.

Bischof Wenzel von Breslau befiehlt den Pfarrern von Schönheide, Rosenbach und Quickendorf säumige Zinsleute des Klosters zur Zahlung zu ermahnen.

Wenceslaus dei gracia episcopus Wratislaviensis discretis viris dominis in Heyda, in Rosmank et in Quitchindorff ecclesiarum rectoribus salutem in domino. Mandamus vobis et cuilibet vestrum, quatenus peremptorie moneatis, vos domine in Heyda, scultetos, rusticos omnes et singulos in Rosmank, in Wenczilsberg, in utraque Habirdorff et nobilem Sigismundum de Pogrella et validum Heynricum Aczcze ibidem; sed vos domine in Rosmank, dominos, scultetos, rusticos omnes et singulos in Heyda et in Cluczaw, vos autem domine in Quitchindorff, dominos, scultetos, rusticos omnes et singulos in Lamprechtsdorff et in Radisschindorff manentes; quos et nos monemus per presentes, ut infra octo dies a vestris monicionibus ipsis faciendis religiosis viris dominis, venerabili abbati et conventui monasterii Kamencz de fertonibus decimalibus anni presentis satisfaciant, ut tenentur. Alioquin ipsos et quemlibet ipsorum tamquam nominatim expressos extunc, prout exnunc dicta canonica monicione premissa ac alias iusticia exigente excommunicamus in hiis scriptis. Quos sic excommunicatos semel ad minus in ipsorum ac demum in vestris ecclesiis singulis diebus dominicis publicetis, donec a nobis fuerint absoluti. Datum Othmuchaw nona die Novembris, anno domini millesimo quadringentesimo octavo. Litteram reddite sigillatam diem execucionis ad eandem consignantes.
Execucio facta est in die Martini.

Or. Papier. Das S. des Bischofs und 3 andere zurück aufgedrückt gewesene S. fehlen.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.